Archive for the ‘ Cebu Pop Music ’ Category

Ulan

Saturday, January 7th, 2012


Composer/Lyricist: Eugene Tan
Arranger: Eugene Tan
Interpreters: Huni Sugbo (Wilson Po, Daryl Shane Leong, Benjie Layos)

I
Sa akong kabatan-onan basta mobunok ang ulan
Kalipay kong hilabihan magdagan dagan sa kadalanan
Magpatungod sa sandayong sa among mga sillingan
Aron ko matagamtaman ang tubig gikan sa kalangitan

II
Apan karon nga hamtong na ako kon mo bundak gani ang ulan
Dayon akog pasilong kay mahadlok nga mabasa o bisan lang mapiskan
Palabihon ko lang nga maglingkod sa kilid sa among gamayng bintana
Ug maghinoktok sa mga suliran dungan sa pagtutok sa kalangitan
Sa matag ulan adunay pait ug tamis nga kagahapong mahinumduman…

Koro
Ulan ulan luha sa kalangitan
Ulan mohugas sa kabukiran
mo bisbis sa kapatagan…
Ulan ulan luha sa kalangitan
Ulan sa pagtu-ang langit mahuwasan
sa dag-om nga iyang suliran

III
Sa hinog ko nga panuigon naka amigo na gayud ako
Nga ulan kanunayng maayo kay kini mugna sa kinaiyahan
Apan karon dili na angayan nga mag dagan-dagan pa sa ulan
Di sama sa akong kabatan-onan karon mahimo ra kong kataw-anan
Sa matag ulan adunay pait ug tamis nga kagahapong mahinumduman…

Tulay:
Maayo ang ulan kay daghan og kapuslanan
Apan kon masobrahan mohatag og kadautan
(Balik sa Koro Katulo)

Tug-ani Ko

Saturday, January 7th, 2012

Composer/Lyricist: Dennis Martin
Arranger: Nendel Endrina
Interpreter: Simeon Philipp Mancol

Ipabati mo kanako, ayaw og itago
Kon unsay ginaingon sa kasingkasing mo
Andam kong paminawon
Ang kamatuoran daw sakit dawaton.

Koro:
(Apan) Tug-ani ko palihug
Aduna bay laing tag-iya sa kasingkasing mo
Kay buot kong masayran
Kon kita alang ba sa usa’g usa
Tug-ani ko sa tinuod
Kon ako ba gayud ang gimahal mo.

Ayaw og paantusa ki’ng dughan ko
Nga giuhaw sa paghigugma mo
Apan karon nausab ka
Pagpangga mo’ng way sama hain na ba.

Koda:
Tug-ani ko…

 

Weder Weder Lang

Saturday, January 7th, 2012

Composer/Lyricist: Peter Flordelis
Arranger: Camilo Piramide
Interpreter: Arman Mahinay

Ayaw’g kabalaka kung duna may problema
Kung kasakit man ang naangkon sa karon
Kay ang dagan ning atong kalibutan
Timan-i lang weder weder lang…

I
Sa imong mga problema, walay barkadang mitunga
Ikaw karon nag-inusara, mihilak ug nag-antos na
Nahubsan na sa paglaum ug pag-asa
Wa na masayod kung may kahumanan ba?

II
Ang imong mga mata, miluha ug nanghubag na
Gihandum ang hinigugma nga nagluib sa imoha
Ang kalibutan mura na’g imong gipas-an
Sa langit ug yuta mura ka’g gidakdakan
Kay naunlak ang imong himaya…

Koro:
Ayaw’g kabalaka kung duna may problema
Kung kasakit man ang naangkon sa karon
Dunay masulub-on, dunay mopahiyom
Dunay kangitngit ug kahayag ang maangkon
Kay ang dagan ning atong kalibutan
Timan-i lang weder weder lang…

III
Sa imong mga problema, walay barkadang mitunga
Ikaw karon nag-inusara, mihilak ug nag-antos na
Mibanaw na ang imong mga luha
Ang pangutana kung may katumanan ba?
Ang imong mga tinguha…
(repeat chorus 2x)

Koda:
Weder weder lang (weder weder lang) …
Weder weder lang (weder weder lang) …

 

Diskarte, Estoryahe

Saturday, January 7th, 2012

Composer: Russel “Ching” Alegado
Lyricist: Yoogin Raye Anthony P.Burgos
Arranger: Russel Alegado
Interpreter: Ronil Vincent A. Watin

Ako usa ka gwapong istambay
Kanunay mag-atang sa mga chicks nga manglabay
Modiskarte kanila kanunay
Kay kini tambal sa mga kalaay

Sama sa hangin ka ba inday
Gihupay mo ang akong kalaay
Tsinelas ka ba kay kauban ka kanunay sa akong gilaktan

Chorus:
Estoryahe, estoryahe
Mga estorya ug diskarte
Estoryahe, estoryahe
Kanimo lang inday, ako modiskarte

Ako usa ka gwapong istambay
Nagsunod-sunod sa uso karon
Mga diskarte nga duyog sa panahon
Pakilig alang kang inday

Sama sa hangin ka ba inday
Gihupay mo ang akong kalaay
Sapatos kaba kay kauban ka kanunay
Sa akong padulngan

Estoryahe, estoryahe
Mga estorya ug diskarte
Estoryahe, estoryahe
Kanimo lang inday, ako modiskarte

Bridge:
Mga saad ug panumpa, pasalig ug pagdayeg
Kutob lang sa dila kay ang tanan diskarte lang…diskarte lang…

Estoryahe, estoryahe
Mga estorya ug diskarte
Estoryahe, estoryahe
Kanimo lang inday, ako modiskarte
Ako modiskarte…estoryahe!!!

 

Bunga

Saturday, January 7th, 2012

Composer/Lyricist: Fernando Rabutan
Arranger: Nendel Endrina
Interpreter: Marielle Montellano

I
Unsa ba kining gidangatan ta karon
Bunga ba kini sa pagkamasinupakon?
Wala’y pagrespeto sa kinabuhi sa uban
Tungod sa gamay’ng butang kinabuhi gi-utang.

II
Hilak sa inosenti’ng bata’ng naa sa sabakan
“Ma, ayaw ko’g kuhaa, maluoy ka, pakatawha.
Ako nakasabot sa kahimtang mong lisod
Apan ang pagpatay sa kalisod dili tubag”.

Refrain:
Tan-awon ta kuno atong binuhatan
Nalipay ba kaha ang kahitas-an?
Itisok ang maayong liso
Aron mamunga kini ug gugma.

La la la la la la la la la la ….

III
Nakita mo ba ang atong panahon?
Presyo sa palaliton sige’g saka walay hunong
Daghan ang gigutom nihit ang pangkaon
Bunga ba kini sa kahakog sa kaugalingon?

IV
Makalilisang nga katalagman daw dili katuohan
Bagyo, linog, baha, mga pagdahili sa yuta
Siyagit sa kalisang wala nay puloy-anan
Bunga na kini sa atong mga kalapasan.
(repeat refrain)

Pangandoy Lang

Saturday, January 7th, 2012

Composer: Russel “Ching” Alegado
Lyricist: Yoogin Raye Anthony P. Burgos
Arranger: Russel Alegado
Interpreter: Irene Abadiez

Nganong dili ka mapapas
Ikaw lang ang gihuna-huna ko
Nganong ikaw ang gusto ko
Bisan sa damgo lang dili ka maangkon

Unsaon ko nalang kining gibati ko
Iluom ko na lang ba kini

Chorus:
Ikaw ang akong kalibutan
Ikaw ang akong tanan
Padayon ko ikaw higugmaon
Bisan ug sa pangandoy lang

Dili ko na lang igsapayan
Kung dili ka maangkon ning akong dughan
Igo nang mahibaw-an mo
Pinaagi ning awit ko

Ikaw ang akong akong kalibutan
Ikaw ang akong tanan
Padayon ko ikaw higugmaon
Bisan ug sa pangandoy lang

Bridge:
Magdumili man kanato ang kahigayunan
Padayon ko ikaw higugmaon…
Ikaw ang akong tanan
Padayon ko ikaw higugmaon
Bisan ug sa pangandoy lang

Coda:
Bisan ug sa pangandoy lang…

Wa La’y Suyaay

Saturday, January 7th, 2012


Composer: Dr. Nicholas Escario Jr.
Lyricist: Alexander Franco Delantar
Arranger: Joel Oporto / Dr.Nic Escario
Interpreter: Christian Cayobit

I
Nagtukod ko ug balay;
Iyang gisaway
Kay kuno dili hayahay;
Iyang gisaway;
May seksing milabay;
Iyang gisaway
Ang paang puti hala law-ay!

II
May bag-o kong trabaho,
Giyam-iran mo;
Kay kuno gamay ang sweldo!
Giyam-iran mo;
Nangutang ko’g awto,
Iyang gibato;
Nangutang ko’g awto,
Iyang gibato;
Ambot lang kaha kun ngano!

Refrain:
Dali ra bay
Dali ra bay – Bay, Bay
Di’ ‘ta lambay!
Kun mokatkat ko,
Saka’g imo!
Masmakabira ko nimo,
Kun sa taas na ako!
Wâ la’y suyaay,
Wâ la’y suyaay,
Di’ ba okey bay?

III
Kun duna ‘tay trabaho,
Dili ba gwapo?
Asenso ang atong baryo!
Kun duna ‘tay awto
Suroy-suroy ta’g maayo
Suroy-suroy ta’g maayo
Suroy-suroy ta’g maayo
Suroy-suroy ta’g maayo
Sa dagat ta kada Dominggo!

[Repeat Refrain]
[Coda]

Wâ la’y suyaay,
Wâ la’y suyaay,
Wâ la’y suyaay…

Kagahapon Mo

Saturday, January 7th, 2012


Composer: Norman Jabonero
Lyricist: Gweendolyn Crescencio
Arranger: Nendel Endrina
Interpreter: Japril Yap

Sa kapunaw-punawan ako gi-anod
Sa mabugnaw’ng hangin ako nikuyog
Sa puting kalangitan nakita ko ang telon
Sa katam-is sa akong kagahapon.

Pagkaanindot sa akong kabatan-on
Puno sa pagmaya, gugma akong naangkon
Luyo sa kawad-on ako gi-agak
Sa bisyo wala mahitumpawak.

Chorus:
Nakita ko sa telon ang akong kagahapon
Luha sa nanamilit nidagayday
Anugon tawong lunsay, buotan ug tiunay
Kinabuhi niya handumon kanunay
Panig-ingnan sumbanan matag lakbit saysay
Bisan ako mopanaw na.

Mabuntog ko ang unos nga mi-ulipon
Sa pagsulay ako nagmaampoon
Sa mga higala ako ni-unong
Kinabuhi ko nagtuyok walay hunong.
(repeat chorus)

Coda:
Ang kagahapon mo…

Sa Imong Paglakaw

Saturday, January 7th, 2012

Composer/Lyricist: Archie J. Lesiguez
Arranger: Art Ramasasa and Archie Lesiguez
Interpreter: Reggie Tortugo

Berso 1
Handumon ko na lang
Sa damgo ang tanan
Karong gikalimtan mo
Ang saad mong
ikaw lang ug ako.

Berso 2
Daw hangin nilupad
Mga pasalig mong bakak
Unsa ba’y hinungdan
Nga imong gibiyaan?
Pagka-anugon lang
Nganong gitalikdan?

Koro
Sa imong paglakaw
Kalit na lang nalarag ang tanan,
Mga pangandoy ko
Nahanaw sama sa usa ka damgo,
Mag-unsa na lang kining dughang
Gibiyaang samaran?
Ang kasing-kasing ko nagatuwaw
Sa imong paglakaw.

Instrumental

Sa imong paglakaw…

Tulay:
Antison ko na lang
Ihilak ko ang tanan sa tago
Ang gibati ko

(Utrohon ang koro)

..Lakaw

Ning Awit Handumon Ko Ikaw

Saturday, January 7th, 2012

Composer/Lyricist: Engr. Bernard Gocela
Arranger: Nendel Endrina
Interpreter: Cherish Pearl Cartalaba

PASIUNA:
Di ko mahimong hikalimtan
Ang kagahapon tang duha
Gipukaw mo ang gugma ta
Matag gutlo ning kinabuhi ko

I
Ikaw ra gyud ang natingban ning awit
Ang ngalan mo litokon ko kanunay
Tam-ison ko kining honi sa gugma
Kay buhi man sulod ning kasingkasing

REFRAIN 1:
Dili mahubit sa mga pulong
Kining kamingaw nga gibati ko
O, way makapapas sa handumanan
Ning buhing awit laylayon ko

BRIDGE:
Paglabay sa panahon
May panid sa kasaysayan handumon
Ikaw ra, ikaw ra gyud
Samtang mopitik pa king dughan ko

Dapiton ko nga mamalik ang adlaw’ng
Gikugos ko ug may awit sa gugma

REFRAIN 2:
Dili mahanaw ang atong damgo
Bisan wala ka ning kiliran
O, buhi ta’ng saksi kadtong himaya
Sa Paraisong gisaw-an ta

CODA:
Ikaw ra ug wa nay lain pang handumon
Ikaw ug ang awit sa langit naghulat
Ikaw ug ang awit handumon pa